في الاول كنت مبسوطة اني في كلية الصيدلة .
البالطو الابيض اللي علي كتفي ، ونظرة الناس ليا باستغراب وانا شايله البالطو علي ايد والتانية ماسكة الرول - اللي معروف انه بتاع هندسة-
بس احنا كمان بنستخدمه والله ، بس بيبقي ارفع .
ولما ارجع البيت متأخر وريحتي كيمياء عضوية احماض وكحولات وبلاوي ، والبالطو - اللي مبقاش ابيض-من الالوان اللي وقعت عليه .
كل ده حلو اوي ، بس بره الكلية لأني مختلفه ، لكن جوه الكلية بتبقي واقف وحواليك خمسة الاف واحد زيك ، في كلية الصيدلة .
سؤال خطر علي بالي ، ايه الفرق بيني وبينهم ، يعني ايه اللي يخليني مميزة عنهم ؟؟
مفيش ...
واللي يزيد من الاحساس السئ ده انك بتلاقي ناس احسن منك يعني اكثر تفوق او احسن في الانشطة او رسمهم احلي - الرسم العلمي اللي عليه درجات - او حتي شغلهم احسن في العملي .
اما انت بقي ولا حاجة ، كفاية عليك انك بتبقي حلو مع اصحابك او عندك ناس بتحبهم وبيحبوك .
فكرت اني احدد حلمي وهدفي -اكيد تمت التريقة عليك حتي مع الناس اللي بيحبوك - وفعلا حددته وقولت هتحدي الوسط والظروف وعرفت عايزة اعمل ايه في المستقبل ..
لكن عملت ايه عشان الحلم ده ؟؟ لا قويت ولا ثقفت نفسي ،
كنت عايزة اشتغل في البحث العلمي ، لكن انا مجربتش اعمل بحث دلوقتي الاول .
طول عمري عايزة اكتشف او اخترع حاجة ، لكن محاولتش ؟
عملت ايه عشان الحلم ؟! ده انا حتي مذاكرتش كويس عشان دراستي .
حد يفهمني ازاي طالب تقديره منقول بماده تشغل فيالبحث العلمي ؟
وبعد التفكير ..........
انا حتي مش عارفه ذريع يعني ايـــه ؟؟؟