امــرأه العـــام ... بقلـم جلال عامـر

بسم الله الرحمن الرحيم

تابعت فى التليفزيون الفيلم الجميل "الباشا تلميذ" وتابعت فى جامعة الزقازيق الفيلم القبيح الباشا طلع مش تلميذ وضرب أستاذة فى الجامعة وإمسحى دموعك يا نوال..

وكانت "كوت دى فوار" تغضب وتحتج رسمياً فى أى محفل رياضى أو أى مؤتمر سياسى ضد من يطلق عليها إسم "ساحل العاج" وفى هذه الأيام العالم كله يقول عنها "ساحل العاج" دون أن تحتج

فالذى لا يحترم الأنتخابات لا يحترمه العالم فالأعاصير لا تسقط العمارات لكنه مهندس الحى والجماهير لا تسقط الرموز لكنه مهندس الحزب..

فهذه بلاد تنجب فيها بجواز سفر مادمت تعرف طريق السمسار وتسافر منها بجواز عرفى مادمت تعرف سكه المطار..

وفى نهاية كل سنة تختار المجلات العالمية رجل العام وأنا أختار إمرأة العام

وبعد مراجعة الكوتة وأسماء ملكات الجمال إخترت "المرأة الفلسطينية" وإليكم الحيثيات التى كتبتها من قبل لهذا الإختيار }

أنحنى وأقبل يد كل إمرأة فلسطينية.. الفقيرة اليتيمة الأرملة الثكلى أم الشهيد والجريح والأسير..

عندما أنهار الإتحاد السوفيتى إمتلأت علب الليل بنساء جئن من هناك ليرقصن فى الكبريهات على أشلاء الوطن..

وعندما سقطت ألمانيا سقطت معظم النساء (كتاب الرايخ الثالث)..

وبعد تحرير فرنسا كان يتم حلق شعر العشرات من كل شارع لأنهن تعاون مع النازى..

في معظم البلاد التى تم إحتلالها إنتشرت الحانات والمواخير وإمتلأت بنساء البلد يرفهن عن جنود المحتلين..

إلا أنت فلم تقدمى نفسك إلا شهيدة, إلا أنت يا غصن الزيتون يا شجرة الكرم يا نبع الشرف..

عصرتك المحن وأنهالت عليك المعاول فلم تنعصرى ولم تنكسرى..

يا أمى, يا أبنتى, يا أختى, يا حبيبتى, أسمحى لى أن أتذكرك فقد نساك كثيرون..

يا صابرة يا طاهرة, يا أغنى من ساكنات القصور..

تراب الوطن الذي يعفر وجهك أجمل وأنبل من كل المساحيق, وسحابة تعانق وجه القمر..

جلبابك المثقوب لا أدرى من ثقبه, هل رصاصات العدو على ظهرك أم نظرات الحسد على طهرك؟..

أنت ملكة جمال كل الأعوام, وصاحبة العصمة على الدوام, أيتها الأميرة النبيلة الأصيلة..

جعتى فرضيتى بالكفاف, وتعريتى فأكتسيتى بالعفاف.. أ

انت السيدة الأولى بين السيدات والمنظمة الأولى بين المنظمات..

طريق الجنة تحت قدميك ومفتاح القدس بين يديك..

مولاتى-يا أشرف النساء- أسمحى لى بقبلة على يديكِ.. بل قدميكِ{.

جلال عامــر

من الغريب

بسم الله الرحمن الرحيم

جنــات

خضراء وجميله وواسعه فيها جبال متغطيه بالخضره ونهر جاري جميل علي جنبيه ورد وزهور من كل الالوان

بس الجبل كان تحته بركان وثار وطلع بوظ كل حاجة

قلب الاخضر احمر واسود ونهي الجمال اللي كان في المكان وساب مكانه خراب ودمار

لكن جنات المرة دي مش دي

دي جنات اللي كانت من 2009

من الامور الغريبة انك في مايو 2009 تكتب ليه بنضيع من روحنا عن الحب والحلاوة والطعامه

والنهارده في ديسمبر 2010 تكتب

الطفلة البريــئة

الطفله البريئة المغمضة بقت من النهارده مش كده بقت واحده تانية متمرده والفضل ليك .
الطفله اللي فيا اتغيرت عقلت واديها اتشطرت كانت بين ايدك واتحررت من بين اديك .
الطفله اللي كانت لعبتك ومن ضعفها جت قوتك اهي اتغيرت من نحيتك والبركة فيك .
الطفله المطيعه اللي سلمت طلع ليها صوت واتكلمت كانت لعبتك واتعلمت تلعب عليك .

من غير طبعا بعض الكلمات زي متمرده وتلعب عليك لأن دي حاجات منعرفش احنا نعملها

لما الدنيا كلها تتقلب عشان حاجة تافهه _ مش زي البركان اللي في الاول _ وحاجه كمان المفروض انا اللي ازعل انها اتعملت

يبقي لما الاقي في ابلكيشن هات ودنك بس

ومن اول محاولة يطلعلي مهو لو كان بيحبك مكانش عمل كده ..

وفي تاني مرة يطلع اللى بتبكى عليه دلوقتى هتضحك لما تفتكره بعد كام سنة

وتالت مرة كنت فاكره اجدع من كده

وخامس مرة هى بقت كده اخييييى عالدنيا

يبقي شكلها هتبقي كده

وفي النهايه نأسف للازعاج

حاجة غريبه شويتين

بسم الله الرحمن الرحيم

لما شاركت فالفيس بوك وقضيت فترة طويله فيه وبقي عندي فرندز كتير عشان شغل الفريق

http://www.facebook.com/pages/shbab-sh/138461842861497?ref=ts

حبيت اني اعمل اكونت تاني عشان يبقي خاص باصحابي بس

اللي اعرفهم بس يعني

بغض النظر عن انه ملي ناس برضوه واني معودتش بفتحه كتير

المهم اني لما عملته طلب رقم الموبايل عشان يعمل configuration وحاجات كده

كتبت رقم التليبفون وبعتلي رساله فيها ارقام

بعدها بكتير عرفت من ناس ولكن معلومات غير موثوق فيها اوي ان موضوع رقم التليفون ده حاجة خاصه بالحكومه كده

عشان لو عملت حاجة غلط ولا قولت حاجة يعرفوا يجيبوني علي طول :D

ده كان من زمان اوي

امبارح بقي ناس كانوا بيفتحو اكونت قديم بتاعهم لقوه موقوف وعايز رقم التليفون عشان يبعت رساله عشان يرجعه

ومكتبوش الرقم لأنهم معرفوش يكتبوه فين

اما النهارده انا كنت داخله علي بلوجر وبعمل كومنت علي مدونه هامر راديو

http://hummerradio.blogspot.com/

وانا بعمل لوج ان لقيته برضوه بيطلب رقم التليفون عشان يبعت رساله فيها ارقام عشان انشط الحساب تاني

مع اني مش قلباه يعني وبفتحه كل شويه

انا قولت والله ما انا كاتبه رقم وهعمل حساب تاني علي جوجل بس افتكرت مدونتي وانها بالاكونت المقفول ده

قولت ادخل اجرب واودعها

لقيته دخل عادي وقولت اجرب واكتب البوست ده عشان اتأكد

المهم غير كده واني دخلت الحمد لله وكتبت البوست

ان القصه كبيرة اوي وان الموضوع تجسس جامد اوي

فوق كل ده الفيس والمدونة وارقام التليفونات اللي هما عايزنها

لسه قاريه خبر انهم اكتشوف ان شركه ابل بجهازها الاي فون بيبعت صورة من بيانات العملاء للشركه وفوق ده كمان

بيصور مستخدم الموبايل من غير ما يعرف وبيبعت الصورة للشركه

والخبر ده كان جاي علي قناه الجزيرة يعني اعتقد يعتبر ثقه

متزامنا مع كل هذا اخبار منتشره عن ان الحكومة عايزة تقفل الفيس بوك عشان ال ايه الاسرئيلين واعداء الوطن _ طبعا الوطن مقصود بيه الشعب لأنهم حبايب الحكومه ومطبعين معاهم هووووش _

ال ايه بيتجسسوا علي الشباب اللي زي الورد بتاعنا وعايزين يبوظو عقولهم وبيتجسسوا علي بيانتهم وبيستخدموها ضدهم وكلام كبير كده

مما لا شك فيه ان النت ده اصلا عباره عن شبكه تجسس كبيييييييييييره والجامدين فيها _ الناس اللي بره يعني _ هما اللي بياخدو كل المعلومات ومع ذلك اشك ان لو الحكومة قفلت الفيس بوك هيبقي عشان كده

لأن برضوه متزامنا مع الكلام ده النهضه والثوره الكبييييييييره عالفيس والمدونات بسبب خالد سعيد وسميه اشرف والبرادعي واحمد نجم وغيره وغيره بكل ما يبشر او ينذر بحدث عظيم

سواء حلو او وحش

فربنا يستر

فــــرمــان

بسم الله الرحمن الرحيم

احم احم

من مايو 2009 وانا بادئة المدونة دي

ويعتبر تقريبا مكتبتش فيها حاجة :D

يمكن الانشغال بحاجات تانيه

يمكن معنديش اساسا حاجة اكتبها

وبعدين حسيت ان المدونة دي المفروض بتعبر عني

يعني المفروض اهتم بيها واكتب فيها

وكمان انشرها

ودلوقتي بعد ما عدي سنه واربع شهور تقريبا علي انشائها

ومحتفلتش بمرور اول سنه عليها

انا هرجعلها تاني

او بمعني اخر

هبدأها

هحاول استرجع نفسي

اللي تاهت و اتغيرت ملامحها بسبب حاجات كتير

ومرور علي احداث كتير

بطلت قراءه وبطلت اكتب بمنطق

وبقت لحظات الابداع لازم يحصل قبلها استثاره قويه جدا

وتبقي قعده

قررت ارجع الحاجات دي كلها تاني

وارجع بالزمن لورا فترة

مش هاقول هاتغير

انا هحاول ارجع زي ما كنت الاول

الشخصيه اللي اتحبت علي كده بملامحها القديمه

وبغض النظر عن هاعمل ايه بالظبط عشان ارجع

إلا اني ان شاء الله هارجع

للحاجات الكويسه

والحاجات الوحشه

هي دي اللي هغيرها

-------------

لفته بسيطه لأسم المدونة

المدونة اسمها افكار شارده

وعاملها بقالي سنه واكتر

عشان لما ابقي متضايقه وحد يسألني متضايقه من ايه

اقوله مش عارفه

ميقوليش انتي بتكدبي وعارفه انتي متضايقة من ايه ومش عايزه تقولي

لما اقوله انا مش فاهمه

يصدقني

واما اقول مش قادره اركز عشان اعرف اللي مضايقني

يصدقني

اوعدك هرجع زي الاول

لكن ده مش وعد اني هحاول اركز :D:D:D:)

====================================

اعـتـرافـــــــــــــــــــــات

مش هغير نفسي عشان شرذمه من الناس ظلموني وضايقوني وخانونيمش هابقي زيهم

بس

مع كل الناس هابقي ساره

مع الخاينين هابقي زفته

هاوريهم طريقتهم هاوريهم اسلوبهم هاوريهم نفسهم فمرايههما عمرهم ما شافوها

لأنهم شافين نفسهم ملايكه

مبيظلموش مبيغلطوش

من اكتر الحاجات اللي بتضايقني في الدنيا

الناس دي

===============

الاولي

اللي بيعملوا بلاوي وفاكرين نفسهم ملايكه مبيغلطوش

يجروا علي اي حد طيب يبكوا ويقولوا انا اتخنت

والطيب يقف جمبهم عشان شاف دموع التماسيح

ويكره الناس اللي اتقاله انهم خاينين

مع انهم هما المظلومين

وحسبي الله ونعم الوكيل

ناس انانيه طماعه مفتريهفاكرين الدنيا بتدور حواليهم

فاكرين انهم محور حياه كل شخص يعرفوه

لازم يبقوا رقم واحد في حياه الناس اللي عرفوهم

مبيقدروش ظروف حد

اهم حاجة ظروفهم

اهم حاجة هما

انا عايزة ده يبقي ده يحصل

لو محصلش يبقي الناس بتكرهم

يبقي الناس بتظلمهم

يبقي مفيش حد بيفهمهم

يبقي مفيش حد بيحبهم

وحسبي الله ونعم الوكيل

=============

اما التانيه

هي كمان فاكره نفسها ملاك

مبتغلطش

مع انها بتعمل كل حاجة غلط في الدنيا ومش بتحترم نفسها ولا لبسها ولا بتحترم حد

انسانه وحشه اوي

سوسه وطماعه ومنفسنه

بترمي كلام واساليب مش نضيفه

لحد عندي وستووووب

وهي اصلا بتعرف اربعه في نفس الوقت

فاكره نفسها هي اللي تستاهل احسن حاجة في الدنيا

وهي اصلا متستاهلس غير ...

اني صائم ( اقصد طبعا عن الشتيمه انما انا مش صايمه ولا حاجة ) ك

انا عامله حسابها ومتكلمتش عليها مع انها بلوه وفيها حاجات كتير ممكن اتكلم فيها

وموجوده فيها مش بألفها من عندي

ومع ذلك هي زي الزباله بتتكلم عليا

خساره فيكي خوفي علي مشاعرك

خساره فيكي اني مفضحتكيش مع ان كل الناس شافتك

خساره فيكي اني كذبت عشانك وقولت انك مخطوبه وانتي لا كتي مخطوبة ولا منيله

وبعد كل ده يسالوها تفتكري ممكن تجرحي حد حبك

تقولك لأ طبعا

ده العكس هو اللي بيحصل

حسبي الله ونعم الوكيل فيكي

ربنا ينتقم منك ومن اللي زيك

==================

اللي فاتو دول هما اللي اثروا فيا

اما الجايين دول مكانش تأثيرهم كبير زي اللي فاتوا

-----------

الثالثه

بلاش اتكلم عنها

عشان بصراحه مش عارفه الانسانه دي بتفكر ازاي ولا عايزة ايه بالظبط

لكن برضوه اسلوب التعامل معاها هيختلف

مش هتعامل معاها بنفس الطيبه والهبل بتاع زمان

هيبقي فيه حرص

وكل كلمه هتتقال هيترد عليها ان شاء الله

===============

الرابعه

اقول ايه ولا ايه

كدابه اوي ست سنين عشره وعمري ما اخدت بالي من طبيعتها

ده تفسيرها في ثواني

طماعه وصوليه انتهازيه

تستلف فلوس ومترجعهاش إلا بعد سنه او اكتر وكمان مش كامله

وده اللي معايا هتاخديه خديه مش عايزه براحتك

تستلف اللبس عشان تروح فرح

والاقيها راحه بيه المصيف :D

تحب تصعب عالناس

ال ايه اتحجزت فالقسم اربع ايام قبل امتحان العربي بتاع الثانويه العامه

لأن واحده صاحبتها مخطوفه وقالوا ان هي اللي خطفتها :D

وكمان تطلع المخطوفه دي مش مخطوفه ولا حاجة

وكانت هربانه مع شاب

شوفوت القصص الجميلة :D

ضيعت مستقبلها بايديها بعد ما كانت بنت شاطره

ودلوقتي بقت خريجه معهد !!

=================

الخامسه

هي دي بقي اللي كذابه بجد

الكذب عندها مرض زي الناس اللي عندها مرض السرقه

تخيلوا حد يألف قصه ان امه متوفيه واللي عايشه معاهم في البيت دي خالتها

بتيجي تعملهم الغدا وتمشي !!!

تقول انها مخطوبه لواحد محامي صاحب اخوها

وتوريلي اليفطه اللي عليها اسمه

ويطلع المحامي ده راجل عجوز اساسا :D

واخوها اصلا مش محامي ولا حاجة

طالب وجمب دراسته بيشتغل في محل تيك اواي

ولما سألت اختها هي اللي معاكو فالبيت ده خالتكو قالتلي لأ دي ماما

ومعلش هي اصلها بتحب الكذب وبتاع

ولما الامورة عرفت اني كشفتها وقولت لأختها

كلمتني في التليفون ادامهم وشتمتني وقالتلي انتي كلبه وحقيره وكذابه :D

بس الحمد لله ربنا جابلي حقي برضوه ومامتها كلمتني فالتليفون وقالتلي متزعليش انا عارفه انها هي اللي كذابه

=========================

بلاوي مش كده

فعلا الانسان في حياته بيمر بتجارب قاسيه كتير

وبيعرف ناس وحشه كتير

وانا لما جيت فتره من عمري

نفسيتي معدتش مظبوطة من كتر اللي بيحصل

بقيت بتهم نفسي واشك فنفسي قبل ما اقول علي حد ان هو الظالم او الخاين

واقنعت نفسي ان مفيش حد طيب خالص او شرير خالص

وكل انسان فيه الاثنين

واني ساعات بظلم ناس من غير ما اخد بالي

وان اي خناقه مفيهاش طرف صح وطرف غلط

لأ ده الطرفين بيبقوا شوية صح وشوية غلط فنفس الخناقه

وكل طرف بيشوف الغلط اللي عمله التاني

لحد ما امبارح اتأكدت اني الحمد لله مش انا اللي خاينه ومش انا ظلمت

وان في ناس فعلا ظبعهم وحش والصفه الوحشه اللي فيهم وحشه اوي

ولا تحتمل

بتغلط وتدبح وتخون وتفتكر ان هي اللي ملظومه

مع انها لو فكتر لحظه بس هتلاقي حاجات وحشه كتير عملتها

وناس بتبقي كويسه لكن ممكن يكون فيهم بعض صفات مش حلوة ممكن يتلغبوا عليها

السبب مش عارفه

اذا كان التربيه ولا البيئه ولا الدين

فيه ناس بتبقي عارفه انها غلطانه لكن بتكابر تعتذر او تعترف

وناس تانيه بتبقي مقتنعه ميه فالميه انها مش غلطانه خالص

لكن

وقفه مع النفس يا اختي

مش معقوله كل خناقاتك مع كل الناس هما اللي بيبقوا غلطانين فيها

مش معقوله انتي مبتغلطيش خالص

انا كل اللي عملته اني اسأت الاختيار

واذا كنت مضطرة اني اتعامل مع ناس من الخاينين دول

فدول اسفه ولكن هتعامل معاهم بطريقتهم وباخلاقهم

اما بقيه الناس هتعامل معاهم باخلاقي انا

مش هقرر ابقي خاينه لأني اتخانت كتير

لكن مع الناس الحقيره اللي بتخون دي لو هاضطر اتعامل معاهم مش هيبقي بنفس الروح الطيبه

هتعامل معاهم بطريقتهم باسلوبهم باللي يستحقوا

ومش هنتقم منهم عاللي عملوه لأني خلاص فوضت فيهم الامر لله

ومنتظره عقابه حتي لو معرفتش العقاب ده كان ايه

لكن لو كانوا ظلموني فربنا هينتقم منهم زي ما دعيت

اي وقت بقي دي حكمته هو

يارب انتقم من كل من ظلمني يارب

===================