بسم الله الرحمن الرحيم
.jpg)
احم احم
من مايو 2009 وانا بادئة المدونة دي
ويعتبر تقريبا مكتبتش فيها حاجة :D
يمكن الانشغال بحاجات تانيه
يمكن معنديش اساسا حاجة اكتبها
وبعدين حسيت ان المدونة دي المفروض بتعبر عني
يعني المفروض اهتم بيها واكتب فيها
وكمان انشرها
ودلوقتي بعد ما عدي سنه واربع شهور تقريبا علي انشائها
ومحتفلتش بمرور اول سنه عليها
انا هرجعلها تاني
او بمعني اخر
هبدأها
هحاول استرجع نفسي
اللي تاهت و اتغيرت ملامحها بسبب حاجات كتير
ومرور علي احداث كتير
بطلت قراءه وبطلت اكتب بمنطق
وبقت لحظات الابداع لازم يحصل قبلها استثاره قويه جدا
وتبقي قعده
قررت ارجع الحاجات دي كلها تاني
وارجع بالزمن لورا فترة
مش هاقول هاتغير
انا هحاول ارجع زي ما كنت الاول
الشخصيه اللي اتحبت علي كده بملامحها القديمه
وبغض النظر عن هاعمل ايه بالظبط عشان ارجع
إلا اني ان شاء الله هارجع
للحاجات الكويسه
والحاجات الوحشه
هي دي اللي هغيرها
-------------
لفته بسيطه لأسم المدونة
المدونة اسمها افكار شارده
وعاملها بقالي سنه واكتر
عشان لما ابقي متضايقه وحد يسألني متضايقه من ايه
اقوله مش عارفه
ميقوليش انتي بتكدبي وعارفه انتي متضايقة من ايه ومش عايزه تقولي
لما اقوله انا مش فاهمه
يصدقني
واما اقول مش قادره اركز عشان اعرف اللي مضايقني
يصدقني
اوعدك هرجع زي الاول
لكن ده مش وعد اني هحاول اركز :D:D:D:)
====================================
كلامك حلو اووي يا ساره ماشاء الله ربنا يكتبلك كل خير يارب و ان شاء الله ترجعي زي الاول سيرو اللي بتضحك من قلبها بقى :)
ردحذفانا يمكن معرفكيش من زمان اووي بس من يوم معرفتك و انا بشوف منك دايما كل خير والله بجد و بنوته طيوبه جدا و بتحب الخير للناس كلها و محترمه و بتحب كل الناس
يارب يا ساره ربنا يكرمك و تحققي و تعملي كل اللي نفسك في ان شاء الله يا احلى سيرو